რუსეთის სასაზღვრო სამმართველოს ინფორმაციით, ე.წ. საზღვრის უკანონოდ გადაკვეთის ბრალდებით ოკუპირებულ აფხაზეთში, გალის რაიონის სოფელ ფიჩორში გერმანიის მოქალაქე დააკავეს. მათი თქმით, გერმანიის მოქალაქემ განმარტა, რომ ის საფეხმავლო ტურიზმით არის დაკავებული და არ იყო ინფორმირებული ოკუპირებული აფხაზეთის საზღვრის შესახებ. გერმანიის დაკავებული მოქალაქე სოხუმის საოკუპაციო რეჟიმის შესაბამის ორგანოებს გადასცეს.