ე.წ. საბოტაჟის საქმეზე პროცესი მოსამართლე თამარ მახარობლიძემ გახსნიდან რამდენიმე წუთში გადადო.
გადადების გადაწყვეტილება მოსამართლემ მას შემდეგ მიიღო, რაც გაირკვა რომ ერთ-ერთი ბრალდებული, გიორგი ვაშაძე და მისი ადვოკატი სხდომას ვერ ესწრებოდნენ.
ცნობისთვის, ე.წ. საბოტაჟის საქმეზე გენერალურმა პროკურატურამ მიხეილ სააკაშვილს, გიორგი ვაშაძეს, ნიკა გვარამიას, ნიკა მელიას, ზურაბ გირჩი ჯაფარიძეს, ელენე ხოშტარიას, მამუკა ხაზარაძესა და ბადრი ჯაფარიძეს ბრალდება წარუდგინა.
შემდეგი სასამართლო პროცესი 25 მაისს ჩაინიშნა.
