საქართველოს პროკურატურის ინფორმაციით,ბრალდების მხარის მიერ წარდგენილი მტკიცებულებების საფუძველზე, თბილისში მდებარე ღამის კლუბებში სხვადასხვა დროს დიდი ოდენობით ნარკოტიკული საშუალებების გასაღებისთვის და განსაკუთრებით დიდი ოდენობით ნარკოტიკული საშუალების შეძენა-შენახვისთვის, თბილისის საქალაქო სასამართლომ რვა პირი დამნაშავედ ცნო.
„სასამართლოში გამოკვლეული მტკიცებულებებით დადასტურდა, რომ ბრალდებულები ღამის კლუბებში- „ბასიანი“, „ხიდი“, „კაფე გალერი“-ში და „მტკვარზე“ მოქალაქეებზე უკანონოდ გაასაღეს სხვადასხვა სახის ნარკოტიკული ნივთიერებები.
სასამართლო გადაწყვეტილებით, აღნიშნული დანაშაულის ჩადენისთვის ბ.დ.-ს ცხრა წლით და ექვსი თვით, ვ.ჟ.-ს რვა წლით, ჯ.ე.-ს რვა წლით, თ.ჩ.-ს შვიდი წლით, გ.მ.-ს რვა წლით და მ.მ. -ს ასევე რვა წლით თავისუფლების აღკვეთა მიესაჯათ.
აღსანიშნავია, რომ დღეს თბილისის საქალაქო სასამართლოში დასრულდა ქ.მ-ს და ლ.მ.-ს ბრალდების საქმეების განხილვა. მოსამართლემ ორივე მათგანი დამნაშავედ ცნო წარდგენილ ბრალდებებში და სასჯელის სახედ და ზომად რვა და შვიდი წლით თავისუფლების აღკვეთა განუსაზღვრა“,- აღნიშნულია პროკურატურის ინფორმაციაში.
დღევანდელი განაჩენებით თბილისის ღამის კლუბებში ნარკოტიკული საშუალებების გასაღებისთვის დაკავებულ პირთა საქმეების განხილვა დასრულდა.
