ე.წ.კაბელების საქმეზე დღეს სააპელაციო სასამართლოს გადაწყვეტილება გახდება ცნობილი. პროცესი 15 საათზეა ჩანიშნული. მოსამართლემ განაჩენი უნდა გამოაცხადოს. საქმის განხილვა თბილისის სააპელაციო სასამართლოში 16 იანვარს დასრულდა და მოსამართლე სათათბიროდ გავიდა.
თავდაცვის სამინისტროს 5 ყოფილ თანამშრომელს 4 მილიონ ლარზე მეტი სახელმწიფო თანხის გაფლანგვისთვის თბილისის საქალაქო სასამართლომ 7 წლიანი პატიმრობა შეუფარდა, რაც დაცვის მხარემ სააპელაციო წესით გაასაჩივრა.
