საქართველოს მესამე პრეზიდენტი მიხეილ სააკაშვილი კლინიკა „ვივამედში“ დედამ, გიული ალასანიამ მოინახულა. მისი თქმით, სააკაშვილი სუსტადაა და ძლიერი ტკივილები აქვს.
„ძლიერი ტკივილები აქვს, ძირითადად ურჩევნია, რომ იწვეს. თუ მნახველი არ ჰყავს, ძირითადად წევს. ან წევს ან სავარძელში ჩამოჯდება ხოლმე. ველოდები, თვითონაც ელოდება კომისიის შემოსვლას. ამ კომისიაზეა მთელი იმედი, იმიტომ, რომ ისინი დადებენ ობიექტურ სურათს. მე მაქვს პირადად იმედი, რომ უნდა გაიყვანონ და უნდა დაიწყოს ის კომპლექსური მკურნალობა, რომელიც როგორც ჩანს, მას სჭირდება“, – განაცხადა ალასანიამ.