ძლიერი ქარის გამო, საგანგებო სიტუაციების მართვის სააგენტოში წუხელ 100-ზე მეტი გამოძახება დაფიქსირდა.
მთელი ღამის განმავლობაში სპეციალურ რეჟიმში მუშაობდა თბილისის მერიის ყველა საგანგებო სამსახური.
გუშინ ღამით საქართველოში ქარის სიმძლავრემ გრიგალის ნიშნულს მიაღწია. ქარმა დედაქალაქსა და რაიონებში ხეები მოგლიჯა. დაზიანდა საცხოვრებელი სახლების სახურავები. დაზიანდა ავტომობილიც, რომელსაც ხე დაეცა.