“თაიმერის” ინფორმაციით, ზუგდიდში, იუსტიციის სახლის წინ მდებარე კორპუსის სადარბაზოსთან ძარცვა მოხდა. ქალბატონს ბოროტმოქმედებმა გასტაცეს ჩანთა, რომელშიც იდო 2 ათასი ლარი. ჩვენი ინფორმაციით ქალბატონი მაღაზიაში გამყიდველად მუშაობდა.
როგორც “თაიმერს” სამინისტროში განუმარტეს, ფაქტზე დაწყებულია გამოძიება, რომელიც სისხლის სამართლის კოდექსის 178 მუხლით მიმდინარეობს, რაც ძარცვას გულისხმობს.
