„ძალადობრივი პროვოკაციების მცდელობები ჩანასახშივე იყო აღკვეთილი“ – სუს-ის უფროსის მოადგილე

თაიმერი timer.ge
ავტ.: თაიმერი timer.ge ოქტომბერი 19, 2018 18:11

„ძალადობრივი პროვოკაციების მცდელობები ჩანასახშივე იყო აღკვეთილი“ – სუს-ის უფროსის მოადგილე

„ძალადობრივი პროვოკაციების მცდელობები ჩანასახშივე იყო აღკვეთილი“ – ამის შესახებ სახელმწიფო უსაფრთხოების სამსახურის უფროსის მოადგილემ, ნინო გიორგობიანმა განაცხადა

სუს-ში ამბობენ, რომ არჩევნების წინ არეულობები მოსალოდნელი აღარ არის, თუმცა ჯერ კიდევ გუშინ შს მინისტრი გიორგი გახარია ამტკიცებდა, რომ ოპოზიცია ქვეყანაში არეულობებს გეგმავს და ფარული მიყურადების შედეგად მოპოვებული კონკრეტული მტკიცებულებებიც ჰქონდა.

სახელმწიფო უსაფრთხოების სამსახურში დღეს ამბობენ, რომ მასალების გამოქვეყნებას ჯერ არ აპირებენ და გაასაჯარობენ მაშინ, როცა საჭიროდ ჩათვლიან.

კონკრეტულად ვინ, როდის და რა სახის არეულობას აპირებდა, ქართულ სპეცსამსახურებში არ პასუხობენ.

„უკანასკნელ პერიოდში ჩვენ შემოგვდიოდა ოპერატიული სიგნალები, რომ მასობრივი თავშეყრის ადგილებში იგეგმებოდა ძალადობრივი პროვოკაციები. ოპერატიულ-პროფილაქტიკური ღონისძიებების შედეგად, ეს მცდელობები ჩანასახშივე იყო აღკვეთილი. ოპერატიული ინტერესებიდან გამომდინარე, სევე იმ მიზნით, რომ არ მოხდეს წინასაარჩევნო პროცესის დამძიმება, ამ ეტაპზე დეტალების გახმაურებისგან შეგნებულად ვიკავებთ თავს, თუმცა შესაბამის დროს, საჭიროებისამებრ მოვახდენთ საზოგადოების ინფორმირებას. ამ მიმართულებით შსს-სთან კოორდინირებულად პრევენციული ღონისძიებები გრძელდება. პროვოკაციის ნებისმიერ მცდელობაზე იქნება მყისიერი რეაგირება. არავის მივცემთ ქვეყანაში დესტაბილიზაციის მოწყობის საშუალებას,“- განაცხადა სუს-ის ადმინისტრაციის უფროსის მოადგილემ, ნინო გიორგობიანმა.

თაიმერი timer.ge
ავტ.: თაიმერი timer.ge ოქტომბერი 19, 2018 18:11

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics