“ძალადობის უფლება, ნორმალურ ქვეყანაში არც ერთ ჯგუფს არ აქვთ” – ასე ეხმაურება ფილმის “და ჩვენ ვცეკვავთ” წინააღმდეგ გამოთქმულ პროტესტსა და პრემიერის ჩაშლის მუქარას პარლამენტის ფრაქცია “ევროპული საქართველოს” წევრი, ელენე ხოშტარია. მისი თქმით, ძალადობისა და მუქარის უფლება არავის აქვს.
“ძალადობის უფლება, ნორმალურ ქვეყანაში არც ერთ ჯგუფს არ აქვთ. მათ შეუძლიათ მოვიდნენ, გააპროტესტონ მაგრამ ის მუქარები, ძალადობრივი განცხადებები, რაც გაკეთდა, ამის უფლება მათ აკრძალული აქვთ კონსტიტუციით,” – აცხადებს ელენე ხოშტარია.
