გასულ წელს, სოფელ დუისის მკვიდრი ნუგზარ ქავთარაშვილი ბათუმის სასამართლომ ცეცხლსასროლი იარაღისა და საბრძოლო მასალაის შეძენა-შენახვა-ტარების გამო დამნაშავედ აღიარა, ქუთაისის სააპელაციო სასამართლომ დღეს აღნიშნულ საქმესთან დაკავშირებით განაჩენი უნდა გამოაცხადოს.
ბრალდებას მსჯავრდებული კატეგორიულად უარყოფს და ამტკიცებს, რომ იარაღი მას სამართალდამცველებმა ჩაუდეს და მომხდარს მის მიმართ სახელმწიფო უსაფრთხოების სამსახურის პირად დაინტერესებას უკავშირებს. სააპელაციო სასამართლოში ქავთარაშვილის ინტერესებს EMC იცავს.