რამდენიმე წუთის წინ ინციდენტი მოხდა დუბაის საერთაშორისო აეროპორტში. გაერთიანებული ემირატების ავიაკომპანიის კუთვნილი თვითმფრინავი ასაფრენ ბილიკზე ავარიულად დაეშვა და გადაბრუნდა.
ინციდენტის გამო თვითმფრინავში ცეცხლი გაჩნდა. SkyNews-ის ინფორმაციით თვითმფრინავიდან მგზავრების ევაკუაცია უკვე მოხდა. აეროპორტში ყველა ფრენა გადაიდო, არ ხდება არც თვითმფრინავების მიღება. Emirates-მა დაადასტურა ინციდენტთან დაკავშირებული ინფორმაცია და განაცხადა, რომ ბორტზე 275 მგზავრია .”შეგვიძლია დავადასტუროთ, რომ ეკიპაჟის წევრებსა და მგზავრებს შორის დაღუპულები არ არიან. ყველა მათგანი უსაფრთხო ადგილას არის გადაყვანილი” – ავრცელებს ავიაკომპანია.
აღნიშნული თვითმფრინავი 2003 წელს არის გამოშვებული.
თვითმფრინავი რეისს ინდოეთიდან ასრულებდა.