8 მარტის ღამეს დრონებმა იერიში მიიტანეს რუსეთის კრასნოდარის მხარეში მდებარე „არმავირის“ ხაზობრივ საწარმოო-სადისპეტჩერო სადგურზე. დარტყმის შედეგად ობიექტზე ხანძარი გაჩნდა.
უკრაინული OSINT-პროექტის ცნობით, აღნიშნული სადგური ნავთობპროდუქტების მილსადენური ლოგისტიკის ერთ-ერთი საკვანძო ობიექტია, რომლის დაზიანებამ შეიძლება გავლენა მოახდინოს ტრანსპორტირების სისტემაზე.
კრასნოდარის ოპერატიული შტაბის ინფორმაციით, დაახლოებით 700 კვადრატულ მეტრზე გავრცელებული ხანძრის ჩაქრობაში 120 მაშველი და 38 ერთეული ტექნიკა მონაწილეობდა.
