საქართველოს მესამე პრეზიდენტი მიხეილ სააკაშვილი გერმანულ მხარესთან თბილისის მრავალწლიანი მეგობრობის ისტორიას იხსენებს და ევროპელ ლიდერებს მოუწოდებს, „ქართული ოცნების“ მაღალჩინოსნების, კერძოდ კი დედაქალაქის მერის, კახა კალაძის წინააღმდეგ პერსონალური ფინანსური ზომები გაატარონ.
სააკაშვილი აღნიშნავს, რომ გერმანიის საარის მხარე საქართველოს ჯერ კიდევ 90-იან, უმძიმეს წლებში ეხმარებოდა, დღეს კი ეს კავშირები მთლიანად ინგრევა.
„ბავშვობიდან ვიცოდი, რომ დაძმობილებული ვიყავით. პიონერთა სახლში არაერთხელ შევხვედრივარ საარის მხარის ცნობილ წარმომადგენლებს, რომლებიც ხშირად სტუმრობდნენ საქართველოს და 90-იან უბედურ წლებში სულ გვეხმარებოდნენ. შემდეგ, როგორც პარლამენტარი, თავადაც ვარ ნამყოფი ზაარბრიუკენში.
ევროპის კი არ მესმის — თუ გაყრაა, გაყრა იყოს და დროა, ჩამოართვან კალაძეს მისი ევროპული სახლები“, — აცხადებს მიხეილ სააკაშვილი.
