გერმანიის ქალაქ დრეზდენის პოლიციამ განაცხადა, რომ ორშაბათს ქალაქის საფეხბურთო კლუბ “დინამოს” გამარჯვების შემდეგ ფეხბურთის ფანებთან შეტაკებისას 185 სამართალდამცველი დაშავდა.
კვირას “დინამოს” სტადიონთან დიდი რაოდენობით გულშემატკივარი იყო შეკრებილი. მას შემდეგ, რაც კლუბმა 4:0 მოიგო და ამით მეორე ლიგაში გადასვლა გაინაღდა, გუნდის გულშემატკივრებმა პოლიციელებს ბოთლები და ქვები ესროლეს.
დაშავებულთაგან 11 საავადმყოფოში გადაიყვანეს, მათგან ექვსი დღეს გაწერეს.
პოლიცია საზოგადოებრივი წესრიგის დარღვევისა და სამართალდამცველებზე თავდახმის გამო მომხდარს იძიებს.
