სირიის დასახმარებლად დონორი ქვეყნების საერთაშორისო კონფერენციის მონაწილეებმა იმაზე ნაკლები თანხა შეაგროვეს, ვიდრე ელოდებოდნენ. ფორუმზე, რომელიც 25 აპრილს ბრიუსელში დასრულდა, მონაწილე-ქვეყნებმა სირიას ჯამში 4,4 მილიარდი დოლარი გამოუყვეს, აქედან 1 მილიარდს – გერმანია – “დოიჩე ველე” წერს.
ევროკავშირი და გაერო, რომელიც კონფერენციის ორგანიზატორი იყვნენ, იმედს იტოვებდნენ, რომ კონფერენციის მონაწილე 80 ქვეყანა იმავე ფინანსებს მაინც შეაგროვებდა, რაც 2017 წელს – 6 მილიარდ დოლარს.
მხოლოდ თვითონ სირიაში ჰუმანიტარულ დახმარებას 13 მილიონი ადამიანი ელოდება, ასევე, მილიონობით სირიელი ელოდება დახმარებას თურქეთში, ლიბანსა და იორდანიაში.
