დონეცკის ოლქის გუბერნატორის, პავლო კირილენკოს განცხადებით, რუსეთი დაჭრილი სამხედროების მარიუპოლიდან ევაკუაციას არ თანხმდება, რადგან მათი დატყვევება აქვს განზრახული.
„მათ სურთ გამოიყენონ შესაძლებლობა, დაატყვეონ მარიუპოლის დამცველები, რომელთა ერთ-ერთი მთავარი ელემენტი არის „აზოვის“ პოლკი. ამიტომ რუსული მხარე არ ეთანხმება დაჭრილი უკრაინელი ჯარისკაცების ევაკუაციის ზომებს,“- განაცხადა კირილენკომ.
