აშშ-ს შინაგან საქმეთა მინისტრი რაიან ზინკე 2018 წლის ბოლოს გადადგება – შეერთებული შტატების პრეზიდენტმა დონალდ ტრამპმა “ტვიტერის” საკუთარ მიკრობლოგზე შაბათს, 15 დეკემბერს დაწერა. ზინკე სამინისტროს ორი წელი ხელმძღვანელობდა და ამ ხნის მანძილზე მრავალს მიაღწია – თეთრი სახლის მეთაურმა აღნიშნა და მადლობა გადაუხადა მინისტრს “ერის მსახურებისთვის”. მან პირობა დადო, რომ ახალი მინისტრის სახელი მომდევნო კვირას გახდება ცნობილი – “დოიჩე ველე” წერს.
2016 წლიდან დონალდ ტრამპის გუნდიდან არა ერთხელ წასულან ჩინოვნიკები. რამდენიმე დღის წინ პრეზიდენტმა აპარატის უფროსი ჯონ კელი გაანთავისუფლა თანამდებობიდან. ტრამპის დროს აპარატმა სამი უფროსი გამოიცვალა.
