უკრაინაში ევროპული ჯარების განთავსება თუ სურთ, შესანიშნავია, ჩვენ არ განვათავსებთ, რადგან ძალიან შორს ვართ, – ამის შესახებ აშშ-ის პრეზიდენტმა, დონალდ ტრამპმა განაცხადა.
„მათ თუ სურთ ამის გაკეთება, ეს შესანიშნავია. ვიცი, რომ ამის შესახებ აღნიშნეს საფრანგეთმა, დიდმა ბრიტანეთმა, სხვებმაც და მე არ ვარ წინააღმდეგი. ჩვენ არ განვათავსებთ, რადგან ძალიან შორს ვართ, მაგრამ თუ მათ სურთ, მე არ ვიქნები წინააღმდეგი“, – აღნიშნა ტრამპმა.
რაც შეეხება ევროპიდან ამერიკული ჯარის გაყვანის საკითხს, დონალდ ტრამპის განცხადებით, არ ფიქრობს, რომ ამერიკული ჯარი ევროპიდან უნდა გაიყვანოს და ეს საკითხი არასოდეს ყოფილა განხილული.
