დონალდ ტრამპი და ჯეიმს დევიდ ვენსი ფიქრობენ, რომ ქვეყნის მოქმედი პრეზიდენტის, ჯო ბაიდენის წინააღმდეგ გადატრიალების პროცესი მიმდინარეობს.
„ფოქს ნიუსთან“ ერთობლივი ინტერვიუს დროს, აშშ-ის პრეზიდენტობის კანდიდატმა, დონალდ ტრამპმა ჟურნალისტის კითხვაზე, არის თუ არა ჯო ბაიდენის წინააღმდეგ გადატრიალება, ტრამპმა უპასუხა, „დიახ, ერთგვარად“.
თავის მხრივ ვიცე-პრეზიდენტობის კანდიდატიც დაეთანხმა, რომ ეს გადატრიალების პროცესია.
„ვფიქრობ, ეს ასეა. არის საკონსტიტუციო პროცესი, 25-ე შესწორება. თუ ჯო ბაიდენი ვერ იყრის კენჭს საპრეზიდენტო არჩევნებში, ის ვერ იქნება პრეზიდენტის პოსტზე და, თუ მათ სურთ მისი გადაყენება, რადგან ის ფსიქიკურად უუნაროა თავისი მოვალეობების შესასრულებლად, იყენებ 25-ე შესწორებას. არ შეგიძლიათ ამის გაკეთება დემოკრატებისთვის პოლიტიკურად ყველაზე მომგებიანი გზით. თუ ეს რეალური პრობლემაა, მათ შესაბამისად უნდა იზრუნონ მასზე“, – განაცხადა ჯეიმს დევიდ ვენსმა.