დოლიძე – კუჭავა დასაჯეს, რადიკალური პაპუაშვილის დასმა კობახიძის გაგრძელებაა

„კახა კუჭავას სპიკერის თანამდებობიდან წასვლა და მანდატის დატოვება მკაცრი ფორმა იყო. რა თქმა უნდა, დასაჯეს. მის ნაცვლად რადიკალური პაპუაშვილის დასმა, რომელიც კობახიძის გაგრძელებაა, ნიშნავს იმას, რომ მათი ვექტორი ძალიან ცალსახააა, ეს არის ხაზგასმა, რომ საერთაშორისო პარტნიორები არ აინტერესებთ. შესაბამისად, მოხსნილი აქვთ ის ვალდებულები, რაც კუჭავას შეიძლება ჰქონოდა აღებული „ქართული ოცნების“ სახით. ეს ჩვენ დღის წესრიგში არაფერს ცვლის. ბრძოლას ვაგრძელებთ“,- განმარტავს დოლიძე.

როგორც დოლიძე განმარტავს, მმართველ გუნდში „რღვევა მიმდინარეობს და ფაქტია, რომ დალაგებული სიტუაცია არ არის“.

„აღნიშნული გადაწყვეტილებით მოხდა შემდეგი – კუჭავა საერთაშორისო პარტნიორებთან საკონტაქტო პერსონა ჰყავდათ. „ქართული ოცნების“ საგარეო ვექტორს და საგარეო პოლიტიკას კუჭავა ახმოვანებდა. რა თქმა უნდა, კუჭვას მოცილება ნიშნავს, რომ კიდევ ერთხელ ზურგი შეაქციეს საერთშორისო პარტნიორებს, ფეხებზე დაიკიდეს ის ვალდებულებები, რომელსაც აჟღერებდა კუჭავა „ქართული ოცნების“ სახით“,- ამის შესახებ „ნაციონალური მოძრაობის“ წევრმა ბაჩო დოლიძემ კახა კუჭავას მიერ პარლამენტის თავმჯდომარის თანამდებობის დატოვებაზე საუბრისას აღნიშნა.

წინა სტატიაში„ნაციონალური მოძრაობის“ ოფისთან მედპუნქტია გახსნილი და სასწრაფო დახმარების ბრიგადა მორიგეობს
შემდეგი სტატია5 პრემიერი და 5 პარლამენტის თავჯდომარე 9 წელიწადში, რა სტაბილურობაზეა საუბარი – ხაზარაძე