დმიტრო კულება მსოფლიოს მოუწდებს, რუსეთის ქმედებები უკრაინაში გენოციდად აღიარონ

უკრაინის საგარეო საქმეთა მინისტრი დიმიტრო კულება მსოფლიოს მოუწოდებს, რუსეთის ქმედებები უკრაინაში გენოციდად აღიარონ.

მან აღნიშნული მოსაზრება გერმანულ გამოცემა Der Spiegel-ში გამოთქვა.

კულებამ ხაზს გაუსვა იმას, რომ რუსეთის ხელმძღვანელობა, ოფიციალური პირები და საზოგადო მოღვაწეები დიდი ხანია გენოციდისთვის იდეოლოგიურ საფუძველს ქმნიან.

სხვა საკითხებთან ერთად, უკრაინის საგარეო უწყების ხელმძღვანელი ყურადღებას ამახვილებს რუსეთის პრეზიდენტის ვლადიმერ პუტინის შარშანდელ სტატიაზე „რუსებისა და უკრაინელების ისტორიული ერთიანობის შესახებ“, სადაც კრემლის ლიდერმა კიდევ ერთხელ განაცხადა, რომ უკრაინელები და რუსები „ერთი ხალხია“ და „თანამედროვე უკრაინა საბჭოთა ეპოქის სრული პროდუქტია, ხოლო უკრაინის ნამდვილი სუვერენიტეტი მხოლოდ რუსეთთან პარტნიორობითაა შესაძლებელი“.

ამასთან, კულება აღნიშნავს, რომ გენოციდის პირდაპირ საჯარო წაქეზებას ასევე შეიცავს რუსული სახელმწიფო მედია საშუალებების რიგი სტატიები, რუსი მაღალჩინოსნების პოსტები სოციალურ ქსელებში ან მათ მიერ გაკეთებული სატელევიზიო განცხადებები.

მინისტრი ყურადღებას ამახვილებს იმ ფაქტზეც, რომ შეჭრის შემდეგ რუსეთმა, ძალით ან ძალის მუქარით წაიყვანა უკრაინიდან სულ მცირე 1,9 მილიონი ადამიანი, მათ შორის 307 000-ზე მეტი ბავშვი და ახლა ცვლის კანონმდებლობა, რათა დააჩქაროს უკრაინის დონეცკისა და ლუგანსკის რეგიონებიდან წაყვანილი ბავშვების შვილად აყვანის პროცესი. კულებას თქმით, ამის მიზანი კი ისაა, რომ უკრაინელმა ბავშვება დაკარგონ უკრაინული იდენტობა.

წინა სტატიაშირუსებმა ნიკოლაევი დაბომბეს – 5 ადამიანი დაშავდა, მათ შორის ერთი მოზარდი
შემდეგი სტატიარუსეთს არ აქვს წინასწარ შექმნილი ცუდი აზრი იმაზე, რომ აღადგინოს მოლაპარაკებები უკრაინასთან საკითხთა უფრო ფართო სპექტრზე – ლავროვი