დიუშენის კუნთოვანი დისტროფიის მქონე ბავშვების მშობლები 7 ივნისს ორ მასშტაბურ საზოგადოებრივ ღონისძიებას აანონსებენ, რომლითაც საზოგადოებას უპრეცედენტო სოლიდარობისთვის მადლობას გადაუხდიან.
მშობლების ორგანიზებით, მიმდინარე კვირას შემდეგი აქტივობები იგეგმება:
11:30 საათი — შეკრება სამების საკათედრო ტაძარში, სადაც დიუშენით დაავადებულ ბავშვებსა და მათ ოჯახებს სრულიად საქართველოს კათოლიკოს-პატრიარქი დალოცავს,
18:00 საათი — რუსთაველის მეტროდან სახელმწიფო კანცელარიამდე გაიმართება „დიუშენის მარში“.
ორგანიზატორების განცხადებით, ეს იქნება მადლობის, ერთიანობისა და გამარჯვების მარში, სადაც კიდევ ერთხელ გადაუხდიან მადლობას სტუდენტებსა და ყველა იმ მოქალაქეს, ვინც მათ გვერდით ქუჩაში იდგა. მსვლელობის ფარგლებში დაგეგმილია სხვადასხვა სანახაობრივი ღონისძიებაც.
