ეკონომიკისა და მდგრადი განვითარების მინისტრის განცხადებით, მთავრობამ ანაკლიის განვითარების კონსორციუმსა და საქართველოს მთავრობას შორის გასაფორმებელი საინვესტიციო ხელშეკრულება მოიწონა.
დიმიტრი ქუმსიშვილის თქმით, აღნიშნული ხელშეკრულება 9 ფაზისგან შედგება და საბოლოო ჯამში, ის 100 მილიონ ტონაზე გადის.
“უახლოეს დღეებში, გვექნება ძალიან დიდი პრეზენტაცია, სადაც ძალიან დეტალურად გაგაცნობთ ხელშეკრულებას. დღეს, მე მინდა საქართველოს მოსახლეობას მივულოცო – იწყება საუკუნის პროექტი. ეს არის პროექტი, რომელმაც როგორც პრემიერმა ბრძანა, მთლიანად უნდა შეცვალოს გეოპოლიტიკა, მთლიანად უნდა შეცვალოს ლანდშაფტი რეგიონში და უნდა მოგვცეს შესაძლებლობა, ჩვენი სატრანზიტო პოტენციალი გავაათმაგოთ”, – განაცხადა ქუმსიშვილმა მთავრობის სხდომის შემდეგ.
