დიმიტრი ქუმსიშვილი: მაკროეკონომიკურად ლარის გაუფასურების საფუძველი არ არსებობს

სავალუტო კურსზე ძალიან დიდი ზეგავლენა აქვს მოლოდინებს და ძალიან სამწუხაროა, როცა ქმნიან ისეთ მოლოდინს, თითქოს ლარი გაუფასურდება. მაკროეკონომიკურად ამის არანაირი საფუძველი არ არსებობს, – ამის შესახებ დიმიტრი ქუმსიშვილმა ჟურნალისტებს დასმული შეკითხვის საპასუხოდ განუცხადა.

„ლარის კურსი მოთხოვნა-მიწოდებით და ბაზარზე არსებული მდგომარეობით ყალიბდება. ჩვენი საგადასახდელო ბალანსი წინა წელთან შედარებით გაუმჯობესებულია. მითუმეტეს ახლა, როცა ტურისტული სეზონი დამთავრდა და ქვეყანაში ვალუტაა შემოსული, ლარის გაუფასურებას არაფერი მოასწავებს. სხვა ქვეყნებთან მიმართებაშიც რომ ავიღოთ ჩვენი ქვეყნის ვალუტის კურსი, ის საკმაოდ სტაბილურია. პროგნოზირება, ზოგადად, ძალიან უმადური საქმეა, თუმცა, შემიძლია ვთქვა, რომ მაკროეკონომიკურად ლარის გაუფასურების არანაირი საფუძველი არ არსებობს. ძალიან სამწუხარო იქნება, თუ ჩვენი მოსახლეობა მოლოდინებს აყვება და დაიწყებს დოლარის შეძენას იმ შემთხვევაში, როცა ეს აუცილებელ საჭიროებას არ წარმოადგენს”, – განაცხადა პირველმა ვიცე-პრემიერმა.

banner
წინა სტატიაშიგაერო: ალეპო თვის ბოლომდე შეიძლება გაცამტვერდეს
შემდეგი სტატიაბუნდესტაგმა სირიის გამო რუსეთის წინააღმდეგ ახალი სანქციების შემოღება დაადასტურა