დიმიტრი ქუმსიშვილი: „ბატონ ბიძინასთან შეხვედრაზე ქვეყნის ინტერნეტიზაციის პროექტი განვიხილეთ“

დიმიტრი ქუმსიშვილი: „ბატონ ბიძინასთან შეხვედრაზე ქვეყნის ინტერნეტიზაციის პროექტი განვიხილეთ“

დიმიტრი ქუმსიშვილი: „ბატონ ბიძინასთან შეხვედრაზე ქვეყნის ინტერნეტიზაციის პროექტი განვიხილეთ“ეკონომიკისა და მდგრადი განვითარების მინისტრის, დიმიტრი ქუმსიშვილის განცხადებით, ბიძინა ივანიშვილის დახმარებით საქართველოში საყოველთაო ინტერნეტიზაციის პროექტი განხორციელდება, რომლის ღირებულება დაახლოებით 150 მილიონი დოლარია. ამის შესახებ ეკონომიკის მინისტრმა დღეს ჟურნალისტებს „კარფურის“ ახალი ჰიპერმარკეტის გახსნის ღონისძიებაზე კომენტარის დროს განუცხადა. მედიის წარმომადგენლები დაინტერესდნენ, რა საკითხებზე ჰქონდათ საუბარი შეხვედრაზე, რომელიც, ბიძინა ივანიშვილის განცხადებით, დიმიტრი ქუმსიშვილსა და ყოფილ პრემიერ-მინისტრს შორის შედგა.

„მე მქონდა ბატონ ბიძინასთან შეხვედრა, ჩვენ განვიხილეთ ძალიან მნიშვნელოვანი თემა. მოგეხსენებათ, რომ ეკონომიკის სამინისტრომ დაიწყო ინტერნეტიზაციის პროექტი, რომელმაც მთელი საქართველო უნდა დაფაროს ოპტიკურ-ბოჭკოვანი კაბელით. ერთადერთი ქველმოქმედი, რომლის გარეშეც, რეალურად, ეს პროექტი ვერ განხორციელდებოდა საქართველოში, გახლავთ ბატონი ბიძინა ივანიშვილი. მე ამ თემაზე მქონდა მასთან შეხვედრა და მინდა ძალიან დიდი მადლობა გადავუხადო ამისთვის, რადგან, რეალურად, ეს არის პროექტი, რომელმაც 15-20 წლით წინ უნდა წაწიოს ჩვენი ქვეყანა. პროექტის ღირებულება, დღევანდელი გათვლებით, არის 125 მილიონიდან 150 მილიონ დოლარამდე, რასაც ბატონი ბიძინა აბსოლუტურად უანგაროდ გვაძლევს, რათა ეს მნიშვნელოვანი პროექტი განვახორციელოთ. ჩვენი შეხვედრის ძირითადი სასაუბრო თემა ეს იყო“ – განუცხადა ჟურნალისტებს დიმიტრი ქუმსიშვილმა.

banner
წინა სტატიაშიუსახლკაროდ დარჩენილი 11 სულიანი ოჯახი–რა მოხდა განმუხურში?
შემდეგი სტატიასაქართველო და აზერბაიჯანი სტრატეგიულ პარტნერებად დარჩებიან