ე.წ. სამხრეთ ოსეთის „ხელისუფლება“ თავად უნდა გაერკვეს იმ იურიდიულ კაზუსში, რომელიც ჩნდება რუსეთის შემადგენლობაში „რესპუბლიკის“ შესვლის შესახებ „რეფერენდუმის“ გამართვით, – როგორც სააგენტო „ინტერფაქსი“ წერს, ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.
„გაერთიანების შესახებ საკითხის დაყენება – იქ ასე იყო ფორმულირებული. აქ რაღაც იურიდიული კაზუსია. ალბათ, საჭიროა ამ მიმართულებით გარკვევა. რუსეთს ხომ არ შეუძლია ვინმესთან გაერთიანება. ვინმესთან გაერთიანების შემთხვევაში, იქმნება სრულიად ახალი ენტიტეტი. ჩნდება იურიდიული კაზუსი“, – განაცხადა პესკოვმა.
„ჩვენ უკვე ვისაუბრეთ ამ იურიდიულ კაზუსზე. დიდი ალბათობით, ჩვენმა კოლეგებმა თავად უნდა განსაზღვრონ და გაერკვნენ“, – აღნიშნა რუსეთის პრეზიდენტის პრესმდივანმა.
