რუსეთის პრეზიდენტის პრესმდივნის დიმიტრი პესკოვის განცხადებით, რუსეთსა და უკრაინას შორის დიალოგი არ არის სათანადო დონეზე, ხოლო „საქართველოს შემთხვევაში, ის საერთოდ არ არსებობს“. ამავე დროს მან აღნიშნა, რომ სახელმწიფოთაშორისი ურთიერთობების კრიზისი არ ვრცელდება ხალხებს შორის კეთილ და ტრადიციულად გულწრფელ ურთიერთობებზე“. პესკოვის თქმით, 9 მაისს მოსკოვში გამარჯვების დღის საზეიმო ღონისძიებაზე ვლადიმერ პუტინმა თავის მილოცვაში საქართველოსა და უკრაინის ლიდერები იმის გამო არ ახსენა, რომ ეს ქვეყნები რუსეთთან დიალოგზე უარს აცხადებენ, სამაგიეროდ, გამარჯვების დღე მან მიულოცა საქართველოს და უკრაინის მოსახლეობას.