რუსთაველის თეატრიდან მსახიობი დიმა ჯაიანი ტაშით გამოასვენეს.
თეატრში სამოქალაქო პანაშვიდი 12:00 საათიდან მიმდინარეობდა. მსახიობის გარდაცვალებას პატივი მიაგეს და ოჯახს მიუსამძიმრეს პრემიერ-მინისტრმა, თბილისის მერმა, პარლამენტის თავმჯდომარემ და მინისტრთა კაბინეტის წევრებმა.
გამოსვენებისას მსახიობის ოჯახსა და კოლეგებს კიდევ ერთხელ მიუსამძიმრა კულტურის მინისტრმა მიხეილ გიორგაძემ და დიმა ჯაიანის სამსახიობო მოღვაწეობაზე ისაუბრა.
“ამ ქვეყანამ ერთ-ერთი გამორჩეული მოქალაქე დაკარგა. კიდევ ერთხელ ვეტყვი ჩემ გულწრფელ სამძიმარს მის ახლობლებს”, – განაცხადა მინისტრმა.
მსახიობს 15:00 საათზე, საბურთალოს ამაღლების ეკლესიის ეზოში დაკრძალავენ.