დილარ ხაბულიანი ფრაქციის შექმნის მიზნით „ლელოს“ ჯგუფს უერთდება

დილარ ხაბულიანი ადასტურებს, რომ ფრაქციის შექმნის მიზნით „ლელოს“ ჯგუფს უერთდება. როგორც ხაბულიანმა განაცხადა, „ნაციონალური მოძრაობის“ ფრაქციას ტოვებს.

ხაბულიანის თქმით, ის ენმ-ის პარტიის წევრი არ ყოფილა.

„ეს ტექნიკური საკითხია. ოპოზიციური ფრაქცია რომ არ დაშლილიყო, ეს არის მიზეზი ჩემი გადაწყვეტილების. ამასთან დაკავშირებით საერთო შეთანხმება იყო. მე წევრი არ ვიყავი „ნაციონალური მოძრაობის“, ჩვენ სხვა პარტიით ვიყავით ბლოკში. საუბარი მაქვს „ნაციონალური მოძრაობის“ ბლოკზე. არ ვიყავი პარტიაში. ჩვენი პარტია „პროგრესი და თავისუფლება“ არის. პროცედურული საკითხია და რა თქმა უნდა, პარლამენტი საქმის კურსშია“,- განაცხადა დილარ ხაბულიანმა.

„ლელოს“ ფრაქცია მას შემდეგ დაეშალა, რაც პარლამენტი მამუკა ხაზარაძემ დატოვა. ამ დროისთვის, „ლელოს“ საკუთარ პოლიტიკურ გუნდში ექვსი დეპუტატი ჰყავს, რეგლამენტით ფრაქციის შექმნისთვის შვიდი დეპუტატის არსებობაა საჭირო.

წინა სტატიაშითაღლითურ სქემაში 20 000 მოქალაქეა ჩართული : ხაბეიშვილი გამოკითხვაზე მივიდა
შემდეგი სტატიაუდუმაშვილი – დიალოგის ფორმატი, რომელიც მიხეილ სააკაშვილმა შესთავაზა ყოფილ და მოქმედ პრეზიდენტებს, იქნება წინ გადადგმული ნაბიჯი შერიგების გზაზე