დიღომში აფეთქების შედეგად დაშავებული ერთ-ერთი პირი 35% დამწვრობით შოკურ მდგომარეობაშია

თაიმერი timer.ge
: თაიმერი timer.ge აპრილი 7, 2019 13:40

დიღომში აფეთქების შედეგად დაშავებული ერთ-ერთი პირი 35% დამწვრობით შოკურ მდგომარეობაშია

დიღმის მასივის მეოთხე კვარტალში მომხდარი ძლიერი აფეთქების შედეგად ბოლო მონაცემებით, 4 ადამიანი დაშავდა. ოთხივე მათგანი სხვადასხვა საავადმყოფოებში არიან გადაყვანილები.

ერთის მდგომარეობა, რომელიც ხეჩინაშვილის კლინიკაში გადაიყვანეს, მძიმეა. დაშავებული 21 წლის ბიჭია, რომელსაც, ამ დროისთვის არსებული ინფორმაციით, სხეულის 35%-იანი დამწვრობა აქვს მიღებული. ის რეანიმაციულ განყოფილებაში, შოკურ მდგომარეობაშია მოთავსებული.

აფეთქების შედეგად დაშავებულთაგან ერთ-ერთი მათგანი 7 თვის ბავშვია. ის იაშვილის სახელობის კლინიკაშია მოთავსებული და ამ წუთებში პირველადი გამოკვლევები უტარდება.

7 თვის გოგონას ჯანმრთელობის მდგომარეობის შესახებ მისმა მკურნალმა ექიმმა პირველი განმარტება გააკეთა და აღნიშნა, რომ საავადმყოფოში შეყვანის დროს, ბავშვი კონტაქტური იყო და მისი ზოგადი მდგომარეობა სტაბილურია.

„სუნთქვის უკმარისობის ნიშნები ნამდვილად არ არის, დინამიკაში მიმდინარეობს მონიტორინგი. მისი ჯანმრთელობის მდგომარეობა სტაბილურია ამ ეტაპზე, მეთვალყურეობის ქვეშ არის და მიმდინარეობს კვლევები. დამწვრობა არ აღენიშნება,“ – განაცხადა ექიმმა.

თაიმერი timer.ge
: თაიმერი timer.ge აპრილი 7, 2019 13:40

დღის ფოტო

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

შედეგის ნახვა

Google სტატისტიკა


10,831
ვიზიტორი
დღეში
Powered By Google Analytics