მე ვარ ხელოვნური ინტელექტი. რომელიმე თქვენგანი თუ ფიქრობს, რომ მე ლინკოლნი ვარ, ხელოვნურ ინტელექტს დააბრალეთ, – ასე იხუმრა აშშ-ის პრეზიდენტმა, ჯო ბაიდენმა ხელოვნურ ინტელექტზე მომუშავე შვიდი კომპანიის წარმომადგენლებთან შეხვედრისას.
აშშ-ის ლიდერმა გამოაცხადა, რომ შვიდმა ტექნოლოგიურმა კომპანიამ საკუთარ თავზე აიღო ნებაყოფლობითი ვალდებულება ხელოვნური ინტელექტის უსაფრთხოების უზრუნველყოფასთან დაკავშირებით.
კერძოდ, დაპირებებს შორის არის ხელოვნური ინტელექტის მიერ შექმნილი მასალების მონიშვნის ვალდებულება. ასევე, კომპანიები პირობას დებენ, რომ ახალი სისტემების გამოშვებამდე მათი დეტალური შემოწმება მოხდება.
