დიდი ბრიტანეთის სახელმწიფო მინისტრმა ევროპისა და ჩრდილოეთ ამერიკის საკითხებში, სტივენ დაუტიმ, გაეროს უშიშროების საბჭოს სხდომის წინ მნიშვნელოვანი განცხადებები გააკეთა. ლონდონის პოზიცია ნათლად აჩვენებს გარკვეულ აცდენას ვაშინგტონის რადიკალურ ზომებთან.
სტივენ დაუტიმ განმარტა, რომ გაერთიანებული სამეფო არ უერთდება აშშ-ის გადაწყვეტილებას ირანის პორტების ბლოკირების შესახებ, თუმცა პრიორიტეტად ჰორმუზის სრუტის უსაფრთხოების აღდგენას მიიჩნევს.
მინისტრის თქმით, ირანი ჰორმუზის სრუტის ჩაკეტით „დანარჩენ მსოფლიოს გამოსასყიდს სთხოვს“ და მას შანტაჟის იარაღად იყენებს.
ბრიტანეთი მოითხოვს, რომ საზღვაო მიმოსვლა იყოს შეუფერხებელი, ყოველგვარი „გადასახადების“, უსაფრთხოების რისკებისა და საერთაშორისო სამართლის დარღვევის გარეშე.
დაუტი მიიჩნევს, რომ დიპლომატიური ძალისხმევა და ცეცხლის შეწყვეტა კრიტიკულად მნიშვნელოვანია ენერგეტიკული კოლაფსის თავიდან ასაცილებლად.
