დიდ დიღომში აფეთქების შედეგად დაშავებულ მცირეწლოვანს კლინიკიდან სავარაუდოდ, მომავალ კვირაში გაწერენ

დიდ დიღომში, საცხოვრებელ კორპუსში აფეთქების შედეგად დაშავებული ბავშვის ჯანმრთელობის მდგომარეობა დამაკმაყოფილებელია და კლინიკიდან სავარაუდოდ, მომავალ კვირაში გაეწერება, – ამის შესახებ იაშვილის კლინიკის ნეიროქირურგიის განყოფილების უფროსმა, ედიშერ მაღალაშვილმა განაცხადა.

„ბავშვის მდგომარეობა არის დამაკმაყოფილებელი, არის ცნობიერი. ალბათ, მომავალ კვირაში გავწერთ, როდესაც ჭრილობა შეხორცდება და ნაკერები მოიხსნება“, – განაცხადა ნეიროქირურგმა.

დიდ დიღომში მდებარე საცხოვრებელ კორპუსში აფეთქება 16 იანვარს მოხდა. შედეგად ოთხი ადამიანი დაიღუპა, მათ შორის ერთი ბავშვი. ამასთან, დაშავდა რვა პირი, მათ შორის ექვსი ბავშვი. ყველა მათგანი კლინიკებიდან უკვე გაეწერა. ამ დროისთვის ერთი პაციენტი მხოლოდ იაშვილის კლინიკაში რჩება.

banner
წინა სტატიაშიმართლწესრიგის ოფიცრებმა დიდ დიღომში მომხდარი აფეთქების შედეგად დაზარალებული ოჯახები მოინახულეს
შემდეგი სტატია,,მეუფეს მე ვფიქრობ ამომწურავად დავუფიქსირე ჩემი გულისტკივილი ჩემს წერილობით მიმართვაში”- ჭყონდიდელი მიტროპოლიტი მეუფე სპირიდონისთვის გაგზავნნილ წერილზე