ამერიკელმა მსახიობმა ლეონარდო დი კაპრიომ საქველმოქმედო აქციაში მიიღო მონაწილეობა და ჯგუფ U2-ს ფრონტმენის ბონოს გიტარა 100 ათას დოლარად შეიძინა. მსახიობმა საკუთარი ლოტიც გაიტანა: 200 ათას დოლარად ანონიმმა მყიდველმა დი კაპრიოსთან და შონ პენთან სადილი იყიდა, ლოტში ასევე შედის დი კაპრიოს სახლში 5 დღის გატარება.
ყოველწლიური აუქციონით, რომელსაც შონ პენი უწევს ორგანიზებას, ჰაიტს ეხმარებიან.
აუქციონზე ასევე გაიყიდა მადონას გიტარა. მომღერალი მასზე ტური Rebel Heart-ის ფარგლებში უკრავს და მყიდველი, რომელმაც გიტარაში 300 ათასი გადაიხადა, მას ტურის დასრულებამდე ვერ მიიღებს.
აუქციონზე სულ 7 მილიონი დოლარი შეგროვდა და ის 2010 წელს ჰაიტში მიწისძვრის დროს დაზარალებულების დახმარების ფონდში ჩაირიცხება.