“დღითიდღე ნაკლები და ნაკლები ადამიანი იქნება, ვინც თანაუგრძნობს ამ შემთხვევაში, აქციის ორგანიზატორებს. ვინაიდან, აშკარად ჩანს, თავიდან გაცხადებულმა დებულებამ, რომ თითქოსდა ეს იყო სამოქალაქო მოძრაობა, ყოველგვარი რესურსი ამოწურა და შესაბამისად, აშკარად დაინახა საზოგადოებამ, რომ რეალურად ამის უკან ნაციონალური მოძრაობა დგას და ადამიანები, რომლებიც განწყობილები არიან დაუოკებელი წყურვილით, რომ ხელისუფლება მოიპოვონ არა არჩევნების გზით, არამედ გარკვეული დესტრუქციული სქემების გათამაშებით.” – განაცხადა ქართული ოცნების დეპუტატმა, მიხეილ სარჯველაძემ.
