იუსტიციის მინისტრი თეა წულუკიანი ვენეციის კომისიის განცახდებას ეხმაურება, სადაც კომისია “შეშფოთებას გამოთქვამს აღმასრულებელი ხელისუფლების მხრიდან საკონსტიტუციო სასამართლოს თავმჯდომარის მანდატის შეწყვეტის შესახებ საჯარო მოწოდებების გამო”.
წულუკიანის განცხადებით, ძალიან ბევრი მორალური პრობლემა არსებობს საკონსტიტუციო სასამართლოს თავმჯდომარესთან დაკავშირებით, თუმცა სექტემბრის ბოლომდე პაპუაშვილი საქმიანობას აგრძელებს და გადაწყვეტილებებსაც თვითონ იღებს.
„მე დღესაც ვფიქრობ, რომ ძალიან ბევრი მორალური პრობლემები არსებობს საკონსტიტუციო სასამართლოს თავმჯდომარესთან დაკავშირებით, არსებობს კითხვები მის წარსულთან დაკავშირებით, რომელსაც პასუხები უნდა გაეცეს, მაგრამ მე არაერთხელ აღმინიშნავს, რომ ვადა გასდის სექტემბრის ბოლოს და ამ დრომდე ის გააგრძელებს საქმიანობას და მიიღებს გადაწყვეტილებებს, როგორც თვითონ ჩათვლის საჭიროდ.“- განაცხადა საქართველოს იუსტიციის მინისტრმა.
