დღეს “ქართულმა ოცნებამ” არჩილ ტატუნაშვილთან დაკავშირებული რეზოლუციის საბოლოო ვარიანტი უნდა წარადგინოს

ქეთი ფერაძე
ავტ.: ქეთი ფერაძე მარტი 12, 2018 10:38

დღეს “ქართულმა ოცნებამ” არჩილ ტატუნაშვილთან დაკავშირებული რეზოლუციის საბოლოო ვარიანტი უნდა წარადგინოს

დღეს “ქართულმა ოცნებამ” არჩილ ტატუნაშვილთან დაკავშირებული რეზოლუციის საბოლოო ვარიანტი უნდა წარადგინოს. მანამდე კი საპარლამენტო უმრავლესობა ოპოზიციასთან კონსულტაციებს განაგრძობს.„ევროპული საქართველოს“ წევრები იმედოვნებენ, რომ რეზოლუციაში მათი ინიციატივები გათვალისწინებული იქნება.
„სახელმწიფო ვალდებულია რომ რაღაც ზომები მაინც, თუნდაც მინიმალური ზომები მაინც მიიღონ იმისთვის, რომ ტატუნაშვილის მკვლელები წარდგნენ მართლმსაჯულების წინაშე და მათ შეექმნათ დისკომფორტი საქართველოს სახელმწიფოს მხრიდან. როდესაც გვაქვს არა შიდა პოლიტიკური საკითხები, არამედ ასეთი მნიშვნელოვანი საერთო ეროვნული საკითხი, უნდა მოვძებნოთ შეხების წერტილები ყველა პარტიასთან,“-აცხადებს ოთარ კახიძე.
„ნაციონალურ მოძრაობაში“ კი მმართველ გუნდს მოუწოდებენ სახელმწიფოს ინტერესებიდან გამომდინარე იხელმძღვანელონ.
„მათ მიერ მომზადებული დოკუმენტი რომც მიიღოს პარლამენტმა, ეჭვი გვეპარება, რომ სახელმწიფოს პოლიტიკა შესაბამისადვე განხორციელდება. ეს ფარატინა ქაღალდი არ უნდა იყოს და რაც წერია საკმაოდ სწორი დებულებები არ უნდა დარჩეს აუსრულებელი და ჰაერში გასროლილი,“-აცხადებს გია ბარამიძე.

ქეთი ფერაძე
ავტ.: ქეთი ფერაძე მარტი 12, 2018 10:38

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


17,693
ვიზიტორი
დღეში
Powered By Google Analytics