სირიისა და რუსეთის ფედერაციის სეიარაღებულმა ძალებმა დღეს, 18 ოქტომბერს ალეპოში ცეცხლი შეწყვიტეს ე.წ. “ჰუმანიტარული პაუზის” გამო, რომელიც 20 ოქტომბერს შევა ძალაში. “დღეს 10 საათიდან ალეპოს დაბომბვას შეწყვეტენ სირიისა და რუსეთის შეიარაღებული ძალები. ცეცხლის წინასწარი შეწყვეტა 20 ოქტომბრის “ჰუმანიტარული პაუზისათვის” აუცილებელია” – განაცხადა რუსეთის თავდაცვის მინისტრმა. მისი თქმით, ეს გარანტირებულად მისცემს ხალხს იმის საშუალებას, რომ ექვსივე კორიდორიდან ევაკუაცია მოხდეს და ავადმყოფების გამოყვანა შეძლონ.