დღეს გახდება ცნობილი, გაათავისუფლებენ თუ არა „მთავარი არხის“ ერთ-ერთ მეწილეს

თაიმერი timer.ge
ავტ.: თაიმერი timer.ge მაისი 18, 2020 09:48

დღეს გახდება ცნობილი, გაათავისუფლებენ თუ არა „მთავარი არხის“ ერთ-ერთ მეწილეს

დღეს გახდება ცნობილი, გაათავისუფლებენ თუ არა „მთავარი არხის“ ერთ-ერთ მეწილეს, ბრალდებულ გიორგი რურუას. მის მიმართ შეფარდებული აღკვეთის ღონისძიების – პატიმრობის შეცვლაზე სასამართლო სწორედ დღეს იმსჯელებს.

პროცესი ბრალდების მხარის მოწმეების დაკითხვით განახლდება და მასზე გიორგი რურუას ადვოკატები ბრალდებული აღკვეთის ღონისძიების გარეშე დატოვების შუამდგომლობას დააყენებენ. დაეთანხმება თუ არა, აღნიშნულ შუამდგომლობას პროკურატურა, ჯერ უცნობია. გიორგი რურუა სამართალდამცავებმა 18 ნოემბერს, სსკ-ის 236-ე მუხლის მე-3 და მე-4 ნაწილებით გათვალისწინებული დანაშაულისთვის დააკავეს, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს. მას აღკვეთის ღონისძიების სახით პატიმრობა აქვს შეფარდებული.

რურუა ერთ-ერთია, ვის გათავისუფლებასაც ოპოზიცია ხელისუფლებისგან 8 მარტის შეთანხმების ფარგლებში, გიგი უგულავასა და ირაკლი ოქრუაშვილთან ერთად მოითხოვენ.

თაიმერი timer.ge
ავტ.: თაიმერი timer.ge მაისი 18, 2020 09:48

Google სტატისტიკა


3,408
ვიზიტორი
დღეში
Powered By Google Analytics