დღეს გურამ გაბისკერიას დაბადების დღეა…
დაიჩოქე და შეაგინე ქართველებს! – მიმართა გადამთიელმა ჟიული შარტავასთან ერთად დატყვევებულ მის თანამებრძოლს, სოხუმის მერს – გურამ გაბესკირიას.
– არასოდეს ცხოვრებაში! – იყო მერის პასუხი. მას მერე, იგი არავის უნახავს.
სოხუმის მერმა მარადისობაში გმირისა და ვაჟკაცის სახელით შეაბიჯა…
დაიბადა 1947 წლის 2 მარტს ქ. სოხუმში.
1954–1965 წლებში სწავლობდა სოხუმის მე–14 საშუალო სკოლაში. 7 წლიდან გატაცებული იყო ფეხბურთით.
1966–1971 წლებში სწავლობდა სოხუმის მ. გორკის სახელმწიფო უნივერსიტეტში ისტორიის ფაკულტეტზე.
1965 წელს საფეხბურთო კარიერა დაიწყო სოხუმის გუნდ ,,დინამო”–ში და იყო ერთ–ერთი წამყვანი ფეხბურთელი.
1972 წლიდან იყო რესპუბლიკური კატეგორიის მსაჯი, ხოლო 1980 წლიდან დაინიშნა საკავშირო კატეგორიის მსაჯად.
1987 წლიდან მუშაობდა ქ. სოხუმში თევზკომბინატის დირექტორად.
1989 წელს პირველმა ქართულ–აფხაზურმა კონფლიქტმა გამოიწვია სოხუმის საფეხბურთო გუნდ ,,დინამო”–ს დაშლა. ამის შემდეგ გურამ გაბესკირიას ინიციატივით ჩამოყალიბდა ახალი გუნდი ქ. სოხუმის ,,ცხუმი”, რომლის პირველი პრეზიდენტი თავად გახლდათ.
1990 წლიდან არჩეული იქნა საქართველოს ფეხბურთის ფედერაციის პრეზიდიუმის წევრად.
1992 წელს საომარი მოქმედებების პერიოდში დაინიშნა ქ. სოხუმის მერად. იყო აფაზეთის ავტონომიური რესპუბლიკის თავდაცვის საბჭოს წევრი და მიენიჭა სამხედრო წოდება – პოლკოვნიკი.
1993 წლის 27 სექტემბრეს ქ. სოხუმის მერი გურამ გაბესკირია, აყვანილ იქნა ტყვედ.როდესაც გადამთიელმა უბრძანა: დაიჩოქე!, მან უპასუხა – ,,Никогда в жизни.!”
ათასობით მოქალაქე შეიკრიბა 17 ოქტომბერს სამების საკათედრო ტაძარში იმ 25 დაღუპული პირისთვის პატივის მისაგებად, რომლებიც 1992-1993 წლების აფხაზეთის კონფლიქტის დროს უგზო-უკვლოდ დაკარგულად ითვლებოდნენ და რომელთა ნეშტებიც ცოტა ხნის წინ მათ ოჯახებს გადასცეს.
უგზო-უკვლოდ დაკარგულ პირთა, მათ შორის აფხაზეთის რეგიონული მთავრობის წარმომადგენლების ნეშტები ოჯახებს იმ საკოორდინაციო მექანიზმის ფარგლებში გადასცეს, რომელიც წითელი ჯვრის მხარდაჭერით 2010 წელს ჩამოყალიბდა და რომლის მიზანიც 1992-93 წლების შეიარაღებული კონფლიქტის შედეგად უგზო-უკვლოდ დაკარგული ადამიანების იდენტიფიკაციაა.
ყველა მსხვერპლი სოხუმის დაცემის დროს დაატყვევეს და მოკლეს. მათ შორის იყვნენ უსაფრთხოების სამსახურის პოლკოვნიკი, მამია ალასანია, და სოხუმის მერი, გურამ გაბესკირია, რომელსაც სიკვდილის შემდგომ პრეზიდენტმა გიორგი მარგველაშვილმა ეროვნული გმირის წოდება მიანიჭა.
