დღეს დიდ ბრიტანეთსა და ევროკავშირს შორის „ბრექსითის“ შესახებ ტექნიკური მოლაპარაკებების მესამე რაუნდი გაიმართება

თაიმერი timer.ge
ავტ.: თაიმერი timer.ge აგვისტო 28, 2017 12:35

დღეს დიდ ბრიტანეთსა და ევროკავშირს შორის „ბრექსითის“ შესახებ ტექნიკური მოლაპარაკებების მესამე რაუნდი გაიმართება

მნიშვნელოვანი

  • დიდი ბრიტანეთის მინისტრი „ბრექსითის“ საკითხში დევიდ დევისი ევროკავშირის მთავარ მომლაპარაკებელს მიშელ ბრანიეს შეხვდება.

სხვა სტატიები

დღეს დიდ ბრიტანეთსა და ევროკავშირს შორის „ბრექსითის“ შესახებ ტექნიკური მოლაპარაკებების მესამე რაუნდი გაიმართება.

დიდი ბრიტანეთის მინისტრი „ბრექსითის“ საკითხში დევიდ დევისი ევროკავშირის მთავარ მომლაპარაკებელს მიშელ ბრანიეს შეხვდება.

როგორც BBC იტყობინება, მოლაპარაკებების მესამე რაუნდიდან მნიშვნელოვანი წინსვლა მოსალოდნელი არ არის. დიდი ბრიტანეთის მთავრობაში აცხადებენ, რომ ევროკავშირთან „ბრექსითის“ შესახებ ისეთი შეთანხმების მიღწევა სურთ, რომელშიც როგორც ლონდონის, ისე ბრიუსელის ინტერესები იქნება გათვალისწინებული.

დიდი ბრიტანეთის წარმომადგენელი დევიდ დევისი მოლაპარაკებების გაფართოებას ითხოვს. კერძოდ, ბრიტანულ მხარეს განსახილველ საკითხებში ვაჭრობის შეტანა სურს. თუმცა ბრიუსელში მიაჩნიათ, რომ მოლაპარაკებების გაფართოებამდე საჭიროა პროგრესის მიღწევა ევროკავშირის მოქალაქეების უფლებების, ირლანდიის საზღვრისა და „ბრექსითის“ შეთანხმების საკითხებზე.

ევროკავშირიდან გასვლის შესახებ გადაწყვეტილება დიდმა ბრიტანეთმა 2016 წლის 23 ივნისის რეფერენდუმის შედეგების საფუძველზე მიიღო. 2017 წლის 29 მარტს ლონდონმა ევროკავშირის დატოვების პროცედურა ფორმალურად დაიწყო.

„ბრექსითის“ პროცესი 2019 წლის მარტის ბოლოს უნდა დასრულდეს.

თაიმერი timer.ge
ავტ.: თაიმერი timer.ge აგვისტო 28, 2017 12:35

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


13,562
ვიზიტორი
დღეში
Powered By Google Analytics