დღეიდან საკონსტიტუციო ცვლილებების საყოველთაო სახალხო განხილვა იწყება. პირველი შეხვედრა ქუთაისში გაიმართება. საორგანიზაციო კომისიის გასვლითი სხდომები 11 დღის განმავლობაში სხვადასხვა დიდ ქალაქში ჩატარდება.
საპარლამენტო უმრავლესობის ინფორმაციით, მოსახლეობასთან შეხვედრები 15 მაისს, თბილისში დასრულდება. მაისის ბოლოს კი, საკონსტიტუციო ცვლილებების პროექტზე მსჯელობა უკვე პარლამენტში განახლდება.