„დევნილთა მეფუტკრეობის საქმიანობის გაძლიერების” პროგრამის გამარჯვებულ ბენეფიციარებს შესაბამისი ინვენტარი გადაეცათ

რუხის საინფორმაციო-საკონსულტაციო ცენტრ „აფხაზეთში” პროგრამის „დევნილთა მეფუტკრეობის საქმიანობის გაძლიერების” ფარგლებში გამარჯვებულ ბენეფიციარებს ფუტკრის ოჯახით შევსებული სკები და შესაბამისი ინვენტარი გადაეცათ.
ღონისძიებას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის მთავრობის თავმჯდომარის მოადგილე ანზორ მარგიანი, აფხაზეთის ფინანსთა და ეკონომიკის მინისტრი ლევან თევზაია, თურქეთის გენერალური კონსული, სააგენტო (TIKA)-ს კოორდინატორი და ადგილობრივი ხელისუფლების წარმომადგენლები ესწრებოდნენ.
პროგრამა აფხაზეთის მთავრობის, აფხაზეთის ფინანსთა და ეკონომიკის სამინისტროს და თურქეთის თანამშრომლობისა და კოორდინაციის სააგენტოს (TIKA) მხარდაჭერით, „ეკონომიკური პროგრამების სააგენტოს“ მიერ ხორციელდება.
აფხაზეთიდან დევნილი მეფუტკრეების საქმიანობის ხელშეწყობისათვის გამოცხადებულ კონკურსში, 100 აპლიკანტმა მიიღო მონაწილეობა, გამოვლინდა 58 გამარჯვებული და მათ 370 სკა გადაეცათ.

წინა სტატიაშიოპოზიციის წარმომადგენლები ბრიუსელსა და ვაშინგტონში მიემგზავრებიან – ელენე ხოშტარიას საგანგებო ბრიფინგი
შემდეგი სტატიაწერეთელი – პროცესს, ევროკომისიაში საქართველოსთვის სასარგებლო გადაწყვეტილება მიიღონ, ხელისუფლება თავისი ქმედებებით კიდევ უფრო ამძიმებს