დევნილებისა და ეკომიგრანტებისთვის სასათბურე მეურნეობის მხარდაჭერის პროგრამა დაიწყო

დევნილთა, ეკომიგრანტთა და საარსებო წყაროებით უზრუნველყოფის სააგენტომ „სასათბურე მეურნეობის მხარდაჭერის საგრანტო პროგრამის“ ფარგლებში, იძულებით გადაადგილებული პირების განაცხადების მიღება დაიწყო.
პროგრამის მიზანს დევნილებისა და განსახლებული ეკომიგრანტების სასოფლო-სამეურნეო ინიციატივების მხარდაჭერა წარმოადგენს.
საგრანტო პროგრამაში გამარჯვებული დევნილებისა და ეკომიგრანტების საკუთრებაში არსებულ საკარმიდამო მიწის ნაკვეთებზე სათბურები მოეწყობა. ჯამში, 20-მდე პროექტი დაფინანსდება.
ამ ეტაპზე, პროგრამაში მონაწილეობა გამყოფი ხაზის მიმდებარე სოფლებში, მცხეთის, გორის, კასპის, ქარელის, ხაშურის, ფოთის, აბაშის, ზუგდიდის, მარტვილის, სენაკის, ხობის, წალენჯიხისა და ჩხოროწყუს მუნიციპალიტეტებში მცხოვრებ იძულებით გადაადგილებულ პირებს შეუძლიათ, რომლებსაც 3 ან მეტი არასრულწლოვანი შვილი ჰყავთ.
პროგრამა ბენეფიციარის მხრიდან თანამონაწილეობის კომპონენტსაც ითვალისწინებს.

პროგრამაში მონაწილეობის მსურველი დევნილებისა და ეკომიგრანტების საგრანტო განაცხადების მიღება 29 თებერვლის ჩათვლით გაგრძელდება.
განაცხადები მიიღება სააგენტოსა და მის ტერიტორიულ სამმართველოებში შემდეგ მისამართებზე:
• ქ. თბილისი, თამარაშვილის ქ.N15ა;
• ქ. გორი, სამების ქ.N1;
• ქ. რუსთავი, ი. ცურტაველის ქ.N5ა;
• ქ. ზუგდიდი, დ. აღმაშენებლის ქ.N106;
• ქ. ქუთაისი, ი. აბაშიძის გამზ. N27.

banner
წინა სტატიაშიოხანაშვილი სამადაშვილს-ტაშს რომ უკრავდით მერაბიშვილს, ჯერ იმაზე აგეთ პასუხი
შემდეგი სტატიავახტანგ გომელაური – რთულია რეაგირება გინტურის მკვლელობის გამოძიების კუთხით, როცა ვერ გადავდივართ და ვერ ვატარებთ საგამოძიებო მოქმედებებს საოკუპაციო ხაზის მეორე მხარეს