ტურის მონაწილეებს „ენგურის ტურისტული ცენტრის“ თანამშრომლებმა თაღოვანი კაშხლის განსაკუთრებით საინტერესო მონაკვეთები აჩვენეს, რომელიც დამთვალიერებლებისათვის აქამდე მიუწვდომელი იყო. ტურისტული მარშრუტის ხანგრძლივობა 2 საათია, რა დროსაც ვიზიტორებს საშუალება ჰქონდათ დაეთვალიერებინათ კაშხლის ხიდი, დისკური ფარების შენობა, გვირაბი, წყალსაცავის ფარების განყოფილება და სხვა საინტერესო ადგილები.
ენგურის ტურის დასრულების შემდგომ ახალგაზრდებს დადიანების სასახლეთა ისტორიულ-არქიტექტურულმა მუზეუმმა უმასპინძლა, სადაც პროგრამის ფარგლებში მოსწავლეებს ჩაუტარდათ ექსკურსია მუზეუმში, დედოფლისეულ სასახლეში დაათვალიერეს დადიანების მემორიალური გამოფენა და გაეცნენ მუზეუმში დაცულ უნიკალურ ნამუშევრებს.