დეპუტატ ანრი ოხანაშვილის შეურაცხყოფაში ბრალდებულს სამდღიანი პატიმრობა შეეფარდა

თაიმერი timer.ge
ავტ.: თაიმერი timer.ge იანვარი 15, 2020 12:51

დეპუტატ ანრი ოხანაშვილის შეურაცხყოფაში ბრალდებულს სამდღიანი პატიმრობა შეეფარდა

მნიშვნელოვანი

  • დეპუტატ ანრი ოხანაშვილის შეურაცხყოფაში ბრალდებულს სამდღიანი პატიმრობა შეეფარდა

სხვა სტატიები

ახალციხის რაიონულმა სასამართლომ ვახტანგ რობაქიძის აღკვეთის ღონისძიებაზე დღეს, 15 იანვარს იმსჯელა. მოსამართლე მარიკა ჩიტაშვილმა გადაწყვეტილება გამოაცხადა. დეპუტატ ანრი ოხანაშვილის შეურაცხყოფაში ბრალდებულს სამდღიანი პატიმრობა შეეფარდა. ათვლა დაკავებიდან, ანუ 14 იანვრის 19:47 წუთიდან დაიწყო.

ბრალდების მხარე ხუთდღიან პატიმრობას ითხოვდა, თავად რობაქიძემ კი განაცხადა, რომ ჯანმრთელობის მდგომარეობის გამო, წამლებზეა დამოკიდებული და გირაოს შეფარდება მოითხოვა. მას ადვოკატი არ ჰყავდა. როგორც სხდომაზე განმარტა, არც საქმეს გაცნობია და სასამართლომდე არც ოქმი გადასცემია, რომლის მიხედვითაც, არაფხიზელ მდგომარეობაში მყოფმა სიტყვიერი შეურაცხყოფა მიაყენა პოლიციელებს და არ დაემორჩილა მათ მოთხოვნას.

სხდომაზე რობაქიძემ თქვა, რომ ანრი ოხანაშვილს დიდი ხანია იცნობს. მან უარყო დეპუტატთან ფიზიკური დაპირისპირება და დაადასტურა, რომ ორივეს მხრიდან მხოლოდ ხმამაღალი საუბარი იყო.

„ანრი ადგა და გავიდა, მალე მოვიდა პოლიცია. ნასვამი კი ვიყავი, მაგრამ სხვა არაფერი ყოფილა. ჩემი აგრესია გამოიწვია იმან, რომ ბავშვები მარტო მყავდა ჩამოყვანილი ბაკურიანში, არ გაითვალისწინა პოლიციამ და მხოლოდ ხმამაღალი საუბრის გამო დამაკავა. ახლაც არვიცი სად არიან ბავშვები. მითხრეს, რომ მეგობარმა წაიყვანა,“ – ასე განმარტა პოლიციასთან დაუმორჩილებლობა რობაქიძემ.

თაიმერი timer.ge
ავტ.: თაიმერი timer.ge იანვარი 15, 2020 12:51

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


8,069
ვიზიტორი
დღეში
Powered By Google Analytics