უკრაინას რეკონსტრუქციისთვის 750 მილიარდი დოლარი სჭირდება. როგორც „ბიბისი“ წერს, ამის შესახებ უკრაინის პრემიერ-მინისტრმა, დენის შმიგალმა ლუგანოში უკრაინის აღდგენის კონფერენციაზე განაცხადა.
როგორც დენის შმიგალმა კონფერენციაზე განაცხადა, რუსეთის აგრესიის შედეგად უკრაინის ინფრასტრუქტურას 100 მილიარდი დოლარის ოდენობის პირდაპირი ზიანი მიადგა.
ლუგანოში მიმდინარე ორდღიან კონფერენციაში 40-ზე მეტი სახელმწიფო და 20-ზე მეტი საერთაშორისო ორგანიზაცია მონაწილეობს.
კონფერენციაზე იგეგმება ომის შემდეგომ უკრაინის აღდგენისთვის ე.წ. საგზაო რუკის შემუშავება.
