დემეტრაძე, “დობო,” მადოევი, – ევროპული საქართველო უბნებზე კრიმინალურ დაჯგუფებებზე საუბრობს

region
: region ივნისი 10, 2019 14:39

დემეტრაძე, “დობო,” მადოევი, – ევროპული საქართველო უბნებზე კრიმინალურ დაჯგუფებებზე საუბრობს

მნიშვნელოვანი

  • ელენე ხოშტარიამ ბრიფინგზე ის ვიდეოც აჩვენა, რომელზეც, მთაწმინდის ოლქში, ჯამბულის ქუჩაზე მე-13 და მე-14 საარჩევნო უბნებზე ჯამბულის და თაბუკაშვილის ქუჩები ძალადობაა ასახული

სხვა სტატიები

“გიორგი დემეტრაძე, ნოდარ დობორჯგინიძე, გაგი მადოევი,” – “ევროპული საქართველოს ერთერთი ლიდერი ელენე ხოშტარია ამბობს, რომ გუშინ მთაწმინდის მე-13 და მე-14 საარჩევნო უბნებზე, რომლებიც ჯამბულის და თაბუკაშვილის ქუჩებზე მდებარეობდა, კრიმინალების კონცენტრაცია იყო. ხოშტარიამ, გუშინ მთაწმინდის ოლქში ჩატარებულ შუალედურ არჩევნებთან დაკავშირებით ბრიფინგი გამართა.

ელენე ხოშტარიამ ბრიფინგზე ის ვიდეოც აჩვენა, რომელზეც, მთაწმინდის ოლქში, ჯამბულის ქუჩაზე მე-13 და მე-14 საარჩევნო უბნებზე ჯამბულის და თაბუკაშვილის ქუჩები ძალადობაა ასახული. ხოშტარია მაბობს, რომ ძალადობის ფაქტებს უმოქმედოდ უყურებდა პოლიცია.

“იყო წარმოუდგენელი კონცენტრაცია კონკრეტული კრიმინალების, აქ იყო ცნობილი “დობო”, რომელიც ცნობილია მისი კრიმინალური წარსულით, იქ იყო მისი მეგობარი ეს გაგი ლადოევი, რომლებიც ერთად არიან სულ და კიდევ ბევრი ადამიანი… გიორგი დემეტრაძე, რომელიც არის კალაძის მარჯვენა ხელი, რომელიც უგვარებს არჩევნებს, ეს არის მთელი დაჯგუფება კრიმინალური ადამიანების.

მე ისიც მინდა ვთქვა, რომ აქ იყვნენ ოცნების კოორდინატორები, რომლებიც ძალიან შეწუხდნენ და ცდილობდნენ ამ სიტუაციის განმუხტვას. აქ არის საუბარი იმაზე, რომ გუშინ, ქართულმა ოცნებამ ყველა უბანთან მოაწყო კონცენტრაცია კრიმინალების და ამ ყველაფერს უყურებდა პოლიცია, ჩემთვის გულდასაწყვეტად, ვინც არ უნდა იყოს დღეს მინისტრი მე არ მინდა რომ ჩემი ქვეყნის პოლიცია მუნდირით იყოს და ესეთი კრიმინალური ადამიანები შეურაცხყოფას აყენებდნენ ქალებს. სულ სამი ქალი ვიყავით და ესეთი ძალადობრივი შეურაცხყოფის ქვეშ. სსიპები, აიპები, საჯარო სამსახურში დასაქმებული ადამიანები, რომლებსაც ჩვენ ვუხდით ხელფასს, კრიმინალები, რომლებიც პირდაპირ დაკავშირებულები არიან კალაძესთან, ხელისუფლებასთან – ეს არის ის გზა, რომლითაც ხელისუფლება გვართმევს არჩევანს, გარდა ამისა ეს ანგრევს ქვეყანას. როდესაც პოლიცია დგას, უყურებს ძალადობას და ვერაფერს ვერ აკეთებს, ეს არის ქვეყნის ფუნდამენტის დანგრევა, რომელიც ჩვენ არ უნდა დავუშვათ”,- თქვა ხოშტარიამ.

გუშინ, მთაწმინდის ოლქში პარლამენტის შუალედური არჩევნების მეორე ტური ჩატარდა. ქართული ოცნების კანდიდატმა, ლადო კახაძემ, ხმების 61.63% მიიღო, ხოლო ევროპული საქართველოსა და თავისუფალი დემოკრატების ერთიანმა კანდიდატმა, შალვა შავგულიძემ – 38.37%.

region
: region ივნისი 10, 2019 14:39

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,213
ვიზიტორი
დღეში
Powered By Google Analytics