დეკანოზმა გიორგი წეროძემ სოციალურ ქსელში ელენე ხოშტარიას ჯანმრთელობის მდგომარეობასთან დაკავშირებით განცხადება გაავრცელა. იგი ხაზს უსვამს, რომ ადამიანის ღირსება, ჯანმრთელობა და სიცოცხლე არ უნდა იყოს დამოკიდებული მის პოლიტიკურ ან პარტიულ შეხედულებებზე.
დეკანოზის თქმით, ქრისტიანული სამართლიანობა შურისძიებას კი არა, ადამიანის ღირსების დაცვას გულისხმობს.
გიორგი წეროძე აღნიშნავს, რომ ელენე ხოშტარიას გამბედაობა ცნობილია და ახლა მისი ჯანმრთელობა ყველაზე მნიშვნელოვანია.
მისი პოზიციით, ადამიანის ტკივილი არასდროს უნდა იქცეს პოლიტიკური ბრძოლის ინსტრუმენტად.
ოჯახისა და ადვოკატების ინფორმაციით, ციხეში ყოფნისას ელენე ხოშტარიას ჯანმრთელობის მდგომარეობა გართულდა. შესაბამისად, ოჯახის წევრები და ექიმები მისთვის მრავალპროფილურ კლინიკაში სათანადო მკურნალობის გაწევას ითხოვენ.
