“ერთიანი ნაციონალური მოძრაობის” წევრი ხატია დეკანოიძე, კოალიციურ მთავრობაზე საქართველოს პრეზიდენტის, სალომე ზურაბიშვილის განცხადებას გამოეხმაურა.
“საქართველოს მომავალი, ეს კოალიციური მთავრობაა. ვფიქრობ, სალომე ზურაბიშვილმა ძალიან კარგად იცის, როგორი იქნება 2 ოქტომბრის არჩევნების შედეგები, ძალიან კარგად ესმის, როგორია მუხტი მოსახლეობაში და ამიტომ ცდილობს, გაითეთროს თავისი დამოკიდებულება და გაემიჯნოს ქართულ ოცნებას და ეს ნიშნავს იმას, რომ ქართული ოცნება სრულ იზოლაციაშია”, – თქვა ხატია დეკანოიძემ.